الاثنين، 13 يوليو 2009

التـوفـل الحـجـازي <<< خطييييييييييير


اللهجة الحجازية:

هي لهجة أهل المنطقة الغربية في السعودية وتتمركز بالذات في مكه وجده والمدينة والقرى القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل ههههه

وطبعا تختلف لهجة العجايز عن الجيل الحاضر..

لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة


رح اعطيكم ملخص عن لهجتنا الحجازيه





مصطلحاتنا :



اندر بره : اخرج

العن سنسفيلك : اهزأك

اديلو : اعطيه

الدهليز : مدخل البيت

الكرتة : الفستان

الصمرقع = الجنا ن

الكندره : الجزمة اكرمكم الله

اترينو = غصبنوا = عشان كده

وخرلو = ابتعد عنه

سجره = شجرة
اشبك = ماذا بك

القنعه : العبايه

الكرويتة : دكة خشبية

الزقاق : الشارع الضيق

خاشوقه = معلقه = ملعقة
سيبوا = اتركوه

بسط المحل = فتح


أفرشك فرش = أضربك ضرب

خوتني = طفشني جبلي الصداع

افتر = اهجد او اهدأ

علين = إلى


تزل ... : يعني تمر

زنبيل : ... كيس

مرحبمبك ... : يعني مرحبا بك .. بس باختصار شوية خخخخخ


باطِرمَة ... : يعني جلسة أرضيه


عساك بالطافوح = سبه يعني عساك بالسم للي يأكل كثير



قصرو = اختصار الشيء أوالزبدة


محزق = ضيق


ضرحرح = التعب أو القرف منك

بهللا = حركات نص كم

ايشكلو = إيش هو ؟!!

مزبرقة = مزينة

أستكري تكسي = أستاجر تكسي

على طبطابي .. : يعني على مزاجي

مِرَسْتَكَه ..: يعني متأنتكه يعني مرة شياكة .. ومرتبّة

دندرمة : ايس كريم

دحديرة : نزلة او منحدر

الدبش : اغراض العروسة قبل لا تتزوج

الدقيسي :الفراغ اللي تحت الدرج أو المخزن



المرقعة : الدلع والمياعه في الكلام والتصرف

يتريق : يستهزء

اللغوصة : نقل الكلام وتسبيب المشاكل

الدحلسة : اذا كنت بتتمصلح مع واحد عشان تبغى منه شي تقول يدحلس

هججوني : ازعجوني

قوامن : بسرعه , حالاً

الحرمصة: عدم الاستقرار النفسي أو انتظار الشيء على أحر من الجمر

العكننه : وهي التنكيد على شخص معين،

سربوت/ يعني داشر

كلانكاكي / ماشيا على الاقدام ................مثلا:
انا اليوم جاي من الحرم كلانكاكي

تليك / حذاء الله يكرمكم


تكر/ يعني نقود أو فلوس

توايق = تطالع

( ياواد وايق زي الناس لا اهبدك باتقل شي قدامي .. و لا أهبدك اللين أجدد ايمانك )ههههههه


شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) ..هههههه

قيّسْتَك : ... يعني حسّبتك .... توقعتك .... هقيتك يعني مثلاً .. ( قيستك ياواد حتزل على عمتك فتّو )


يدعك : ... يعني يفرك ... يعني مثلا .. ( ايش بتسوي يابت :- ... بادعك الاسورة :روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله ) كاااااااااااااااااك

ازهموا: يعني نادي ............ (ياواد ازهموا الله يرجك )

اوادم / ضيوف .......
(يا غازي الاوادم وصلوا)

بلاقروشه / يعني لا تشعل عقلي دحين أو لا توترني ............
( بالله بلا قروشه , لاتقروش راسي دحين)


بابغلي / حاجة تكون مو أصليه أو صناعة تعبانه .................وفي كلمه تانيه نفس المعنى وهيا (أبوكلب) يقلك مثلا/
ياراجل الساعه هدي أبو كلب




أمثالنا الحجازيه

بعد ما أكل واتكا قال ريحته مستكا.
ست وجاريتين على قلي بيضتين

أعمى ويلضم خرز.
اللي ماله أم حاله يغم.

كنس بيتك ورشُو ما تدري مين يخشو.
أهري وانكتي يا جاره وأنا ثابته زي العماره.
اذا حلقوا لغيرك بل راسك واستنى
داخل لبيت العروسه نادر من بيت العريس
على قد زيتو سرجلو

فقير اتجوز فقيرة خلفوا وجع القلب
كبيرهم فلفل وصغيرهم زنجبيل واللي في الكوفلة يقول من العايدين
خاتم بفصو وكل شيء ترصو
خشوني لاتنسوني ولعوا الشمعة وشوفوني
عمية تحفف مجنونة وتقولها حواجبك سودا ومقرونة

سلامتك والهيل والقرنفل قمامتك












وبختمها بقصيده عن اهل مكة









أهل مكة أهل معروف
أهل الخيرأهل مكه
أهل سيمه
أهل قيمه
ناس كُمَّل
أهل مكَّه
ومع كل تعتيمه
الناس تحلَّي بأهل مكه
حماة البيت وجيرانو
شجرالحب وأغصانو
كده هُمَّا وكده كانو
والميدان فرسانو
أهل مكه
ناس عاليه الهمَّه
ناس تحفظ الذمه
ولا مية الف كلمه
ماتوفِّي أهل مكه
ومين شكُّو الزمان شكَّه
أوحالو مال أو تكَّى
لايتعب ولا يشيل هم
دوغري يروح لأهل مكه
أهل الحبا .. وأهل الجبا
وأهل القلوب الطيبه
أهل الشهامه والكرم
وأهل كلمة مرحبا
وميزه تكون مكَّاوي
ميزه تكون هنا اتربيت
في ضل الرحمه جنب البيت
تفرج في الحرم همَّك
تصفي بزمزم دمَّك
يابختك إنت من مكه
في أزقتها القديمه لعبت
حرامي عسَّى لما تعبت
وكبت ولاري وعزيزه
من الهجله لحد الجميزه
رمضان طول الليل سامر
من النقا حتى شعب عامر
في طرهً وزنه وكبوش
وطبعاً مافاتك جوش
مادام إنك مكاوي
مكاوي يعني إبن حاره أصيل
مكاوي وطبعي حلو وجميل
مكَّاوي أنا وللحجي دليل
وافتخر إني مكَّاوي








فديييييييييت ترآآآب مكه والله

ليست هناك تعليقات: