تتوقعوا لو كنا لسه بزمن الحمير والبغال .. رح يسمحوا لنا بقيادة الحمير ولا لا ؟ !
اقرأو الخبر
مع انه جميع صريحات المسؤولين حتى الآن تقول انه هذي مسألة إجتماعية بحته
وبشوارع جده فيه بنات يسوقوا .. بس هذي قدها العين عليها .. و مو راضين عنها من زمان هعهع
بعيداً عن هذي القضية بالذات ..
هذي ثقافة مجتمع
يعني هذا هو تفكير المجتمع كله .. واللي بيكون تفكيره مختلف هو اللي بيكون شاذ
الوضع رح ينفجر .. وهم لسه مصرين ع التمسك بهذه القناعات .. وما رح يرضو يتجاوزو هذه المواضيع اللي صارت سطحيه .. لمواضيع تانيه صارت اهم
لحد ما ينفجر الوضع عن جد
العالم كله بيتحرك من حولناو احنا لسه بناقش مسائل تحريم القياده ..
ولبس العباية ع الكتف وع الرأس
وبرامج ستار اكاديمي
عن جد .. هذي هي المواضيع اللي بيناقشوها مع الطلاب في المدارس
حتى انهم صارو يحسو انه في تناقض كبير ما بين اللي بيتعلموه في المدرسة
وبين اللي بيشوفوه في الشارع او في الأخبار .. او ع النت
حتى انهم صارو مغيبين .. ومع رفضهم لهذه الأمور
لكنهم ما يقدروا يعترفو بهذا
بعد قضية منال الشريف .. ظهرت الكثير من القروبات في الفيس اللي تأييد قرار سجن منال الشريف .. و رفض قرار السماح بالقيادة والإنفلات حسب كلامهم
فإذا كانو كُتابهم ومثقفيهم اللي مفروض انهم يصنعو واجه ثقافيه للبلد .. وإذا كانت مدارسهم بتتكلم بهذي اللغه .. كيف رح يتكلموا العامه
هذي ثقافه تحتاج تغيير من الداخل .. وهذا شعب ما وصل إلى قناعة بمرضه عشان يفكر بالعلاج :(
ليست هناك تعليقات:
إرسال تعليق